دارميات عراقية

من طرف **ريماس** السبت يوليو 31, 2010 11:34 am

اسمحوا لي اعزائي اعضاء المنتدى:
احببت ان اعرفكم باصناف الشعر الشعبي العراقي واطرح بعض الابيات التي اعتبرها ويعتبرها العراقيون من الابيات الرائعة كونها تحاكي المجتمع العراقي وكأننا نقرأ حالة اجتماعية موجزة في بيتين من الشعر كتبها احد الشعراء وقد يجد له ردا من شاعر اخر..

اولا الشعر الدارمي
وهو صنف من اصناف الشعر الشعبي وقد اشتهر في المحافظات الجنوبية وخاصة محافظة الناصرية..

ترحيب بالضيف:

اهلا وسهلا بيك واكثر بالوياك

القلب قبل العين فزّ وتلقاك

***

او تحذير لئلا يحزن الذي يزورهم بفراق العزيز:

بالك تمر بالدار عنها اشمر بعيد

دار العزيز هواي نوح وبجي تريد

****
فيرد عليه :

عمدا امر بالدار والنوح ازيده

واسمع صداها يقول راح التريده

****

او:

عمدا امر بالدار واشبع مغمة

وابجي بجي المفطوم من يذكر امه

****
واخر يشكي حظه المتعثر:

الدنيا بس وياي شدت عداوة

ولا واحد من الناس لجروحي داوه

****
فيؤيده اخر:

الدنيا للتهواه تركص مفرعة

واني تجيني بموس وتقوللي ابلعه

****

والاخر يشكي فرقة الاخوان:

ياعازة الاخوان عازتها عازة

والماوراها صياح وحشة الجنازة

****
يرد عليه:
جا شلي بالاخوان والماينفعون

عود من اموت ايجون وية اليشيعون

من طرف **ريماس** السبت يوليو 31, 2010 11:35 am

ملاحظات سريعة للترجمة دارميات عراقية Tongue

:

أي كلمة غير مفهومة إسألوني عنها , وحرف القاف يوازي الgال في لهجتنا ولما الكلمة تبدا ب اليــــ معناها اللي مثل كلمة اليحظن معناها اللي يحظن , القصيدة رائعة وتستاهل القراءة بعناية

(انت العين )

انت العين واقرب من جفنها انت

انت الوالد اليحظن بديه وليده وبنته

وبالتوحيد انت الشعب كلة بشيعته وسنته

منهو القال ناسيك هم ينسى القمر وقته ؟؟؟

لو نبض القلب يتنكر لدقته

بس عشقك عشق مفضوح

وعشق الناس كلها مساتر وسكته

صرت انت سبت وبرقبة يهودي

هم شايف يهودي يجوز من سبته ؟؟ (يجوز = يتخلى أو يترك)

انت الفارس اليسبق هبوب الريح

وما اظن خيل سابقته

وانت انت يرهم ترابك كحل للعين (يرهم = يناسب)

ودوا للما شفت علته

ومن طينك نحني كفوف المعرسين

وكل اصبع فرح من طينتك طقته

وانت ريحة ترابك ترد الروح

هيل وزعفران وعنبر بشمته

ومثل تراب قاعك مالقينا تراب (قاعك = أرضك)

يرهم للصلاة من طين تربته

انت ينام بيك المرتضى الكرار

ابو الحسنين التلوذ الناس كلها بشارته وبخته (شارته = رايته , بخته = بركته )

وانت ينام بيك بكربلاء حسين

الما باع نطاقه وسلم رقبته ( نطاقه = حزامه )

وبيك ظلت راية العباس

لمن طاح ..... نزلت الفرات وباسته من شفته

من طلعت منك يوم طرني البين

قلبي وياي ماجبته اثاريني نسيته هناك عندك قلبي امنته

شتلته بجرف دجلة الخير ( شتلته = زرعته مثل شتلة الشجر)

وي طين الشواطي شربقته ( شربقته = ربطه)

وامتدت عروقه بوسط ذيج القاع (ذيج = هذيك إسم إشارة)

ومن ماي الفرات ودجلة عمدته

ولمن صار ينقل جدمه بين الناس (جدمه = قدمه)

اخذته وياي للكاظم على الشباك زورته (زورته = إصطحبه للزيارة )

صح هسه اصبحت من وطن نيدرلاند

هولندي الهوية وشعري جللته (شعر الراس بالجل)

وصح تأقلمت ويا الغرب فد نوب (ويا = مع , فد نوب = بالمرة أو عالآخر بلهجتنا )

وصرت ماصخ مثلهم والملح عفته ( عفته = تركته )

وصح صرت ارطن رطنهم لمن يرطنون

ولسان العرب بالاعجمي كسرته

لكن مدري شي يصير بيه من يمر طاريك

احسه انك دفو تموز وحرته

العالم نسى ايام اهدعش من ايلول (اهدعش= 11)

وصارت بيك وبيك سالفته

ناس تقول لازم نحتويه ونشفط البترول

ونعوض الراح ونسرق بركته

وناس تقول لازم هالحصار يدوم

وناس تقول لازم ننزع اسلحته

وناس تقول خطية اطفاله ماتو من الجوع (خطية = حرام كلمة للشفقة)

وناس تقول حيل وياه ما حمد ربه وشاكر نعمته ( حيل = يستاهل)

جيف انت حلو والدول منك تغار (جيف = لأن)

ما عدهم العندك من مجد نلته

انت اول وطن ادم وضع جدمه عليه وقال يا الله ولنك وصلة من جنته (جدمه = قدمه)

انت اول وطن حبه النبي ابراهيم ودعا ربه يصونه برحمته وعزته

وانت اول وطن مرسى لسفينة نوح

وانت اول وطن النبي ايوب ناخت بيك راحلته

وانت اول وطن علم العالم ابجدية ويكتب التاريخ

وانت اول وطن قانون سننته

انت اول وطن قالتله الشمس يمه صباح الخير

انت اول وطن ماتشبه الاوطان

سبحان ربي شلون صورته

صورته العراق وبس علينه يلوق (يلوق = يلبق بلهجتنا يعني يناسب)

وإحنة نلوقله لمن يحن وقته (إحنة = نحن )

هذوله اهل الغدر من عندك شيردون (شيردون = شي يريدون = شو بدهم)

يا هو صاح منهم ما اجو عندك

كان جيبك مو بس الك لمن العرب ينخوك

عزيز المال هيج وهيج طشرته ( هيج = هيك , طشرته = نثرته)

لمن طحت محد اجى وقال عدعيناك ونزفك مثل دمع الشمع سقته ( عد عيناك = لعيونك)

بقيت وحيد مدمي بساحة الميدان واطفالك عليك بصفك ينوحون

وانت تون ولا مثلك قبل مذبوح ونونته (تون = تأن من الأنين , نوننته = أنينه)

توجيت على جرحك قمت مهتميت (تو جيت = هسة جيت)

خاف الشامت يشوفك طريح ويشتفي بشمته

طبع بيك المكابر اكبر من الآه

واكبر من غدرهم يا بختك إنته

جم غازي مر عليك وراح (جم = كم)

وتمر عليه السنين ومتعمر بذلته

صفو بالمزبله ويلعنهم التاريخ

تراب بلادنه يرفض جدم الغازي والمحتل

تراب بلادنا غالي واغلى من عدنه ( أغلى من عدنه = أغلى منا)

أتمنى تنال إعجابكم وإذا ما فهمتو شو المقصود من أي بيت من الأبيات أن بشرحو إلكم , لأنو القصيدة أكثر من رائعة , تحياتي للجميع

هاد مقطع للقصيدة يغنيه حسام الرسام , من كثر ما انفعل صار يصرخ

دارميات عراقية

دارميات عراقية

رد: دارميات عراقية