دارمي عراقي

من طرف مندائي الأربعاء مارس 24, 2010 1:45 pm

أنقضه يهواي بوسه أبجبينك
ما بقت عندي أدموع دايني عينك
&&&&&&&&&&&&&&&&&
قلبك لغز يهواي واتريد أحزره
مختلط بحر الشوق مده أوي جزره
&&&&&&&&&&&&&&&&&
أتمر وتوجني أبنار أتروح وتسلني
أهموم وسهر وجروح أبحبك ولني
&&&&&&&&&&&&&&&&&
أنصف أوياي وشوف لجلك شسوي
كلي أصير أشموع أبدربك أضوي
&&&&&&&&&&&&&&&&&
ما ضل كتر بالروح مابيه جرح حار
حتة الجرح مجروح جرح بجرح صار
&&&&&&&&&&&&&&&&&
شكرآ لمروركم تحياتي لجميع

من طرف مندائي الأربعاء مارس 24, 2010 1:49 pm

الى كل عشاق الدارمي اليكم هدية بسيطة من اخوكم
فراااااااااااااااااااااا ابو حنين اااااااااااااااااااااااس

شماتي مو شمات ... شماتي اخوتي

حتى أمي يأهل الناس تتمنه موتي

===============================

شماتي مو شمات شماتي أشرار

بالقبر ويكَولون ياربي بالنار

===============================

شماتي مو شمات شماتي سبعه

والثامن صغيرون يأشر بصبعه

===============================

شماتي مو شمات شماتي شرطه

فوق القبر ويصيحون بايكَله جنطه

===============================

شماتي مو شمات شماتي شمات

فوق القبر ويصيح حي بعدة لو مات

===============================

شماتي مو شمات شماتي ورطه

نصهم أمن وإجرام والباقي شرطه

===============================

شماتي مو شمات شماتي فطر

بالقبر دكَو شيش خافو ليتفطر

===============================

==============================

صب دمعي على الكَاع واحركَ دغلهه

والبصره والعشار هيه ونخلها

==============================

أرد اسأل العشاق من مثلي مشتاق

بحضني غافي اهواي وابجي من الفراق

==============================

بطل وربع جريت كل قصدي أنساك

وتاليهه بآخر بيك بالمزة الكاك

==============================

من فوك سبع جبال دمعي أريد أَهديه

دورَنهْ يا لحلوات تلكن سمج بيه

==============================

متعجب بدنياك دمعك سمج بيه

دمعي يفيض إِشطوط حوت الغرك بيه

==============================

حط باللبن تيزاب ممنون اشربه

بس لا أشوفك يوم تمشي ويه غربة

==============================

عمد أرد أمر عالدار وشبع مَغَمة

وبجي بجي المفطوم من يذكر أمه

==============================

شماتي ألفين ومضاعف إعداي

أبقَ أبعزم دوم بس كونك أوياي

==============================

حبلها وتهز كاروك وتسعه يلعبون

كلهم فدى لهواي لو مر يرحون

=============================

يسألني البطران ليش راسك اكَرع

ما يدري عالحلوين شعري تشلع

=============================

يسألني البطران تشرب عرق ليش

هم سكم هم فراق هم لوعة الجيش

=============================

يسألني البطران ليش وجهك اصفر

ما يدري عالمحبوب قلبي تفطر

=============================

شحجي وتريد الناس من عندي أحجي

دمعتي إبطرف العين بس أحجي أبجي

=============================

أرد أنشدك و ارجوك صارحني يهواي

تذكرني لو غصيت من تشرب الماي ؟

=============================

هاك أبرتك و الخيط خويه إمشي عَنٌي

لو بيٌه أشيل إجروح جان أشل هذَنٌي

=============================

جرح الفراك إيهون عن جرح الوداع

البيه دليلي إنصاب يتطشٌر أرباع

=============================

زين وتشوفه الناس دلاٌلك أرباع

دلاٌلي من فركاه مثل الثلج ماع

============================

لا تسأل إعله الحال خلٌيها سكته

تسأل على المكتول والكاتل إنته

============================

يسألني البطران إعربلي كانَ

حسباله مثل العام عقلي إبمكانه

============================

هاك استكانة جاي أشرب عوافي

أو دزيته لك مخصوص يا مايه صافي

============================

وحدي ابنص الليل بس حيرتي أوياي

أبجي أعلى وقت الراح واتنطر الجاي

============================

للخوه ما كضيت شي ما قضيته

حتى الصخر ياناس وتوسديته

============================

انت العطش والماي وانت المشوفه

ورسمك وحق عيناك بالكاس أشوفه

============================

أوصل الحي يهواي لو تشبج إرماح

والمعتني الطيبات مو فشله لو طاح

============================

الدنيا للتهواه تركَص إمفرعة

وآنه تجيني إبموس وتكَلي إبلعه

============================

هجم بيت العين هالكَد وكيحة

كل ما يمر إحليو إتكَلي صيحه

============================

حقي من أحامي إعليج يا شجرة التين

ماي الربيتي عليه من دمعة العين

============================

رش الدرب تيزاب حافي أعتني لَك

جا شٌلي بالرجلين الما تجي لَك

============================

لو ترِش مو تيزاب لو تزرع ألغام

اللحم خلٌه إيروح أُوصلٌك إعظام

============================

الدنيا بس وياي شَدت عداوة

ولا واحد إمن الناس لجروحي داوه

============================

الدنيا للتهواه تركَصله جوبي

وآنه الفكَر يا ناس شكٌَالي ثوبي

============================

كَالولي ولفك راح ... كَلتلهم أبعَد

كَالو صعَد للغيم ... كَلتلهم أصعَد

============================

عقرب تريد تصير تلدغني وتروح

حسبالي خوش وليد سلمتك الروح

============================

لا تهتم على الراح ويهمك الراح

والعالي مو بالطول بالصبر ينلاح

============================

يسألني البطران حالك إشلونه

الغاضب الله إعليه هم ينشدوونه !!

============================

عبالي طيب زاد واعطيتك اعيون

تالي توج النار ويا اليكرهون

============================

همٌكْ .. وهَم الناس .. وهَم همْ الأيام

وفوكًاها هم العين ماتقبل إتنام

============================

همٌك وهم الناس وهم الله فوكًًه

صاحت عليٌه الناس جن عندي بوكًه

============================

متعجٌب المهموم يشرب جكًاره

كًلبي بكثر ما ينوح تجويني ناره

============================

همٌك .. وهم الناس وهم هم الهموم

لو وحده منهن بيك ماتكًدر إتكًوم

============================

نذرك ياسيد دخيل نوط أبو الميه

من أفز والكًًه إهواي غافي إعله إديُه

============================

الدهر بس وياي راكب إحصانه

ويكًلي وين إتروح جدٌامك آنه

============================

الدهر بس وياي جزٌاها الحدود

بالدين أوفي الدين واتديٌن إردوود

============================

كًلبي أرد أكًصٌه إبموس وأكوي إبمكانه

علٌمني إعله درووب كلهن مهانه

===========================

كًلبي أرد أكًصٌه إبموس وبفاس أكًطعه

خلُصها بالسختات مالحكً ربعه

===========================

شامت وكًف عل الباب حاير شكًلٌه

أرتجي إعله المكسور لو دمعي إهلٌه

===========================

إرتجي إعله المكسور حيل إردس الكًاع

بالك تذل جدام شمٌاتك إبساع

===========================

شمٌاتي مو شٌمات شمٌاتي شمٌات

بالكًبر ويسألون حي بعده لو مات

===========================

شِمٌاتي مو شِمٌات شماتي شرطه

بالكًبر ويكًولون طلعه أرد أكًرطه

===========================

وينه اليصل لهواي يشكيله حالي

أوجرن حيل وياي ذنٌي الليالي

===========================

هم شفت بيت أنذال ربٌاله حُره

جا كًلنه بالتبليط تطلع إفطٌرٌه

===========================

الميت إشمدريه باليمشي جنٌاز

لكن طبعها الروح تربي إعله الإعزاز

===========================

خلٌيتك إبسرداب فوكًًه متر صَبْ

صبٌح الواشي وياك من ياكتر طَبْ

==========================

من قِِست حلك إهواي المحبس أصغر

خافن يغص بالماي يالكاظم إستر

==========================

سَلٌمْ ولَو بالعين تكفي الإشارة

روحي إبتلت بهواك سَوٌيلي جاره

==========================

وينه اليخَيطْ العين ويفكني منها

كل ما تصد للدار يكثر حزنها

==========================

شفت الضوه إمن إبعيد كًلت إحتركًننه

لمٌن وصلت البيت لن ولفي عدنه

==========================

مانمت نص اليل خلف المخده

والدمع صاير سيل للركبه حده

==========================

كل السنون إعظام بس سنه فضه

زبد ويذوب اهواي ومنين اكضه

==========================

حطي ايدج اعله اثنين بنتي الطمع زين

والثالث احجي وياه بالج تغلسين

==========================

هم شفت هم سمعيت هاي العجيبه

بعيني شفت يا ناس بريه شيبه

==========================

جا وشحلات الجا ... جا لعد انته

جا الحجي بلا جا ... جا شنهي لذته

==========================

الطول طول اهواي والمكفة مكفاه

بالبصرة عفت اهواي أشوصله هنا

==========================

هاك أبرَه . , هاك الخيط خويه أرد أكلفَك

أمسرٌد الدلال شِلٌه إعلى عِرفَك

==========================

الدنيا للتِهواه تفتحلَه الأبواب

ينزاح حتٌى الكَيظ ويصير خنياب

==========================

حسرَه إلكْ بالدَلال ظلٌتْ لما أموتْ

ماتدري حقها الناس إصوابي بسكوتْ

==========================

عفيه كَلب مَي لين من يسمع إبجاي

لو من صخر هم جان لان وغده ماي

==========================

علمني عالنسيان ارد انسى ضيمك

ويه غيري قمره اتصير بس حصتي ضيمك

==========================

هم آنا مثل الناس هم عندي بطه

راحت تغط بالشط والغطه غطه

==========================

أهلا وسهلا بيك وكثَر بالوياك

الكَلب قبل العين فز وتلَكَاك

==========================

يقول الشاعر العربي

لابد من حي الحبيب زيارة ولو شبكت حول الخيام رماح

ويقول الدارمي

أُوصَل إل حي إهواي لو تشبج إرماح

والمعتني الطيبات مو فشله لو طاح

==========================

زيبكَ إبكف سكران خَلٌتني دنياي

مابيه أجيك إزحوف ولابيه مشٌاي

الدنيا بس وياي شَدت عداوه

ولا واحد إمن الناس لجروحي داوه

الدنيا للتِهواه تفتحلَه الأبواب

ينزاح حتٌى الكَيظ ويصير خنياب

الدنيا للتهِواه تِركَص إمفرعه

وآنه تجيني إبموس وتكَلي إبلعه

الدنيا للتهواه تركَصله جوبي

وآنه الفكَر يا ناس شكٌَالي ثوبي

يالكَلت سبع سنين عمر الكَلب شاط

آنه لفاني الظيم من لف الكَماط

==========================

الواشي فنٌه إيفوت الواشي فنٌه

دم للرجاب إيصير وآخذها منه

==========================

دم للرجاب إيصير متعَجٌب إبهاي

بالدم مِشه المشحوف متعٌني لهواي

==========================

بالدم مشه المشحوف منها وتكفيٌت

آنه أكسر التابوت وآكل لحم ميت

==========================

أطلَك وأعت بالكًاع مثل المعسره

حسبالي عشر إفروخ تاليها حسره

==========================

حسرَه إلكْ بالدَلال ظلٌتْ لما أموتْ

ماتدري حقها الناس إصوابي بسكوتْ

==========================

==========================

شلونك.. شلون الدار .. وشلون الأحباب

أذكر جرح بجلاك خبٌرني ما طاب

==========================

شلونك .. شلون الدار .. شلون الدجاجات

هم منهن إتذبحون للعدكم إيبات

==========================

زين آنه . . زينه الدار . . زينه الدجاجات

نذبح أركًاب أزلام للعدنه إيبات

==========================

شلونك .. شلون الدار .. وشلون الفروخ

لبسو إهدوم العيد !! لو لِسه صلوخ

==========================

ناكًًه إشكثر للغير درٌن ثداياي

تاليها للكًًصاب ودٌ تني دنياي

==========================

ماهًمني الكًًصاب من علٌك إجلاي

همني الصديق الكًًال عيٌرلي من هاي

==========================

صيٌحت حيل وحيل باليمنه وأوميت

ياهو الكًًلتله إدخيل ظم روحه بالبيت

==========================

إنته يظل بالبيت الردته فزاع

آنه الكًًلتله إدخيل ظم روحه بالكًًاع

==========================

متعني للعباس أشكي الهظايم

الواشي قبلي بيوم بالحظره نايم

==========================

==========================

متعني للعباس أبجي إبحظرته

والينكسر بهواه شنهو جبرته

==========================

مانمت طول الليل حلف المخدٌه

الدمع صاير سيل للركبه حدٌه

==========================

رحت آنه للدكتور حاجاني بسكوت

لو ولفًك إيداويك لو باجر إتموت

==========================

روحي إبسرير الموت تنشدني عنٌك

وتكًًلي ليش إهواك متبري منٌك

==========================

حقي من أحامي إعليج ياشجرة التين

ماي الربيتي إعليه من دمعة العين

==========================

آنه من أحب إشفاك كل ساكني إيهيج

يبقه الطعم ويٌاي وي بلعة الريج

==========================

رحت آنه للدكتور حاجاني بسكوت

لو ولفًك إيداويك لو باجر إتموت

==========================

روحي إبسرير الموت تنشدني عنٌك

وتكًًلي ليش إهواك متبري منٌك

==========================

حقي من أحامي إعليج ياشجرة التين

ماي الربيتي إعليه من دمعة العين

==========================

==========================

آنه من أحب إشفاك كل ساكني إيهيج

يبقه الطعم ويٌاي وي بلعة الريج

==========================

ظَل إبجي بالكارووك أبداً مهِزَك

لو إنك إبن إهواي جان إشمعزٌك

==========================

حبله وأهز كارووك وتسعه اليلعبون

كلهم فِده لهواي لو مر يروحون

==========================

حبله وأهز كارووك وتسعه المِسلحين

مال العمى يا عين عالدرب تربين

==========================

من جبتو طاري إهواي تيٌهتْ شوري

خدٌرت بالفانوس حسبالي قوري

==========================

سود العيون إكبار والحَلِك محبس

ويسترها رب الكون من دلع تلبس

==========================

أنسه ألله كون أنساك وأبرى من الإسلام

عل الكًبر لو مريٌت أتهزهز إعظام

==========================

برد الصبح كًرصات لِفْني إبعباتكْ

وبساعة الشيطان إنته وي ذاتك

==========================

من الحزام وفوك مرخوص الأسمر

خاف الطمع يوزيك واحنه إنتكشمَر

==========================

كون أنكًلب فنجان بيد الكًهوجي

وأوصل إل حلك إهواي وانتحب وأبجي

==========================

كون الحبيب إيصير مقلد والبسه

وبين النهد والثوب سنتين أحبسه

==========================

كون التريده الروح أ ُجٌرب لنٌه يمٌك

وتكًضي العمر وياه إتشمه ويشمٌك

==========================

روحي إبسرير الموت تنشدني عنٌك

وتكًلي ليش إهواك متبري منٌك

==========================

أرد أسأل العشاك ليش آنه مشتاك

نايم إبحضن إهواي واشكي من الفراك

==========================

ميت والمعزيات موش أمهٌاته

مايبجَن إعله المات يبجَن شماته

==========================

ميت والمعزيات يبجَن عياره

ويرمَن على التابوت كَطف الجكًاره

==========================

ميت والمعزيات مابيهن أمٌه

وحده التشَتم بيه وحده التُغمٌه

==========================

كل ما يجي الليل أذكر وفاكم

واذكر محاشي الطيب وابجي أبرهاكم

==========================

ويا النجم سهران وايدي أعلى خدي

الليل أوظلام الليل شو كلها ضدي

==========================

انت العطش والماي وانت المشوفه

ورسمش وحق عيناك بالكاس اشوفه

==========================

أرد انشدك وارجوك صارحني ياهواي

تذكرني لوغصيت من تشرب الماي

==========================

نارك يخايب ماي مومثل ناري

اومن يطري بيا الشوق يحترق جاري

==========================

هم حلو .. وهم إزغير .. هم أزرك عيون

بس بيه طبع مو زين من يوعد إيخون

==========================

بالك تقول الاه ياخويا بالك

كل التقوله ايصير روحي ابدالك

==========================

مبخوت أضل للشيب يافلان أذكرك

أوينكرني نور العين من كون أنكرك

==========================

بيدي أوقرضها الفار فجت عباتي

كل هذا ماطخيت وامشي ابرهاتي

==========================

أتمنى كون أيصير لحدي أويا لحدك

أو من يطلع الدفان أقعد وقعدك

==========================

شقيت ثوبي أعليك وصلته للنص

جاوين قلبك أوياي صاير مثل جص

==========================

اشمالك يبعد الروح لونك تغير

عندي خوات أهواي طب أوتخير

==========================

يسألني البطران حالك إشلونه

الغاضب الله إعليه هم ينشدوونه

==========================

جاشلي بالخوان والماينفعون

عود أمن اموت أيجون ويا اليشيعون

==========================

عبالي طيب زاد واعطيتك اعيون

تالي توج النار ويا اليكرهون

==========================

علمني عالنسيان ارد انسى ضيمك

وي غيري قمره اتصير بس حصتي ضيمك

==========================

سبحان امن خلاك تقسي ابغرامك

جانك اتداوي اجروح رقت كلامك

==========================

اوقف يبعد الروح اوياك الحساب

سَافر أو جرحي اينوح ليهسى ماطاب

==========================

هامسى أوها مصباح باجر يشيلون

اورجليا شالت طيب من دمع العيون

==========================

ارد انشد الصباغ هم يصبغ اقلوب

اصبغ دليلي اعليك واحزن فرد نوب

==========================

حط باللبن تيزاب مجبور أشربه

بس لا أشوفك يوم تمشي وي غربه

==========================

==========================

سباحه لك بالروح خضرى أوطريه

تسقيها من تشتاق وتمر عليه

==========================

ياماخذين الولف اوليفي وريد أوياه

مانام لليل الشتى أومقدر على فرقاه

==========================

الدنيا ماتسواش لاتصفن إلها

عالطيب والمزيون يكثر حملها

==========================

يسألني البطران ليش راسك اقرع

مايدري على الحلوين شعري تشلع

==========================

يسألني البطران تشرب عرق ليش

هم سقم هم فراق هم لوعة الجيش

==========================

الدنيا بس أوياي صارت حريصه

أو من سلة المكتوم تطلع لي شيصه

==========================

همي الليالي اتعود واتعاتب أوياك

احجايه للشمات خلاني فرقاك

==========================

أرد اسأل العراف واهل القوافي

ليش الحجاب إيلوق للوجه صافي

==========================

حطيتك بسرداب وفوقه متر صب

اصبح الواشي وياك من ياكتر طب

==========================

==========================

وينه اليخَيطْ العين ويفكني منها

كل ما تصد للدار يكثر حزنها

==========================

لو غبت عني الروح احسبها شده

واحرق ابدمع العين حتى المخده

==========================

بالك تمر بالدار عنها أشمر ابعيد

دار العزيز اهواي نوح أوبجي اتريد

==========================

عمده ارد امر بالدار والنوح ازيده

واسمع صداها يقول راح التريده

==========================

عمده ارد امر بالدار واشبع مغمه

والمعتني الطيبات لوطاح شيهمه

==========================

غصبن عليها الروح جابتني اشوفك

كفر عليها للوم بلجن تعوفك

==========================

أهلا وسهلا بيك وكثر بالوياك

الكَلب قبل العين فز وتلكَاك

==========================

اقدر اسكت الناس وامك واخوتك

قلي شيسكت اهواك لودره ابموتك

==========================

ياعازة الخوان عازتها عازه

والماوراها صياح وحشه الجنازه

==========================

==========================

انشدني عالحال حالي أعلى حاله

سمجه أوشحيح الماي وبظهري فاله

==========================

حسره إلك بالدلال ظلت لما أموت

ماتدري حقها الناس إصوابي بسكوت

==========================

القلب قال أحاه ! قتله وجعتين

منهو الاجى أوعزاك من طقك البين

==========================

يالردت عني اتروح خليلي صبرين

واحد يصبر الروح والثاني للعين

==========================

شامت وكًًف عل الباب حاير شكًًله

أرتجي إعله المكسور لو دمعي إهله

==========================

إرتجي إعله المكسور حيل إردس الكًًاع

بالك تذل جدام شماتك إبساع

==========================

اقعد ابتالي الليل وادعي ابصلاتي

ياربي بعد افلان شلي ابحياتي

==========================

ارد انصحك يافلان هذي النصيحه

عوف اتلف وادور حب الصريحه

==========================

ريته اليطيح ابضيج كون اخوه وياه

اول مايقول احاه كلها اتلقاه

==========================

==========================

إلي تطلبه ايصير بس أمر انته

أو لاتعب الجلمات أشرلي سكته

الرد

أطلب وقلك صار تامرني أنته

عمري من أول يوم بسمك رهنته

==========================

ميت والمعزيات يبجن عياره

طفن على التابوت راس الجكاره

==========================

الدهر شل يمناي شل يسرتي البين

جابيش اصبر الروح بيش امسح العين

==========================

من كثر حر الضلع أحترقن هدومي

وتسعين ناقة وجمل ماشالن همومي

==========================

هاك ابره هاك الخيط كوم امشي عني

لو بيه اشل جروح جاشل هذني

==========================

حسره وحدرها احاه وبقلبي لوعه

كلما اضوق الزاد اركض وازوعه

==========================

جاوبني تدري الوقت بوقاته سكتاوي

موش أنته نبعة عشق بالحسن متغاوي

==========================

غصبن عليه الروح آنه الأذلها

محتاج والحاجات ماهمه أهلها

==========================

==========================

أنوح أولاهلي يدرون بيه

تموت الروح والعله خفيه

==========================

بسك ولك يالبين دقاتك أوياي

أدقني وسط الضيق وتشمت اعداي

==========================

الاخو وقت الضيج ماينكر أخته

أوحان الوقت هاليوم ياخويا وقته

==========================

أقبل صباح اليوم ابدنيتي هاي

شلت الردا أوفزيت لن عيني بهواي

==========================

لانفع نصحي أوياك لانفع لومي

أنا ادري مامحضوض راح ابقى دومي

==========================

لاواشي لانمام يبعدني عنك

بس النجف يهواي ياخذني منك

==========================

تيزاب أحط بالعين واعميها بجفاك

خافن تصد للغير أوتنسى المضى أوياك

==========================

متعجب بدنياك جرحتك مره

منخل اقليبي صار بيه العمه يقره

==========================

ميت والمعزيات موش أمهاته

مايبجَن إعله المات يبجن شماته

==========================

==========================

ميت والمعزيات مابيهن أمه

وحده التشتم بيه وحده التغمه

==========================

همك .. وهم الناس وهم هم الهموم

لو وحده منهن بيك ماتكًًدر إتكوم

==========================

طقني أو طحت للقاع قلت اكتفى البين

طقاني مره النور أوخر ضوى العين

الرد

كل دقش أعلى الراس بسش يدنياي

مطقوقه باليافوخ ماشوفن احداي

==========================

اصغير وخاف إعليك من شدة الاه

اشنون احمل أنا افراق واصبر بلا اياه

الرد

اصغير وخاف اعليك من حضن امك

ابقلبي وقول ابعيد جاوين اضمك

==========================

بيدي أوقرضها الفار فجت عباتي

كل هذا ماطخيت وامشي ابرهاتي

==========================

أتمنى كون أيصير لحدي أويا لحدك

أو من يطلع الدفان أقعد وقعدك

==========================

بيدك ضيعت ديك الليالي

وبلحظه ما أجى أبعينك دلالي

==========================

سباحه لك بالروح خضرى أوطريه

تسقيها من تشتاق وتمر عليه

==========================

سبحان امن خلاك تقسي ابغرامك

جانك اتداوي اجروح رقت كلامك

==========================

اوقف يبعد الروح اوياك الحساب

سَافر أو جرحي اينوح ليهسى ماطاب

==========================

ياماخذين الولف اوليفي وريد أوياه

مانام لليل الشتى أومقدر على فرقاه

==========================

يسألني البطران ليش وجهك اصفر

مايدري على المحبوب قلبي تفطر

==========================

يسألني البطران ليش راسك اقرع

مايدري على الحلوين شعري تشلع

==========================

يسألني البطران تشرب عرق ليش

هم سقم هم فراق هم لوعة الجيش

==========================

يسألني البطران اعربلي كان

حسباله مثل العام عقلي بمكانة

==========================

انشدني عالحال حالي أعلى حاله

سمجه أوشحيح الماي وبظهري فاله

==========================

==========================

حسره إلك بالدلال ظلت لما أموت

ماتدري حقها الناس إصوابي بسكوت

==========================

الدهر شل يمناي شل يسرتي البين

جابيش اصبر الروح بيش امسح العين

==========================

حسره وحدرها احاه وبقلبي لوعه

كلما اضوق الزاد اركض وازوعه

==========================

أشرب واريد أنساك واسكر واذكرك

مو بالعظم ويطيب بالكًلب كسرك

==========================

كل مرض لامابيك ياخويا محسود

اوحق اليحسدك داخ بعيونك السود

==========================

منك سمعت الاه كثرت جراحي

وشبيدي خويا اعليك قصوا جناحي

==========================

وين الكفن ينباع يالشايل الخام

عدله أرد أطمها الروح من ظيم الأيام

==========================

لم جرحك أو للبيت قوم امشي وياي

وامشي ابدلال أرجوك لاتشمت اعداي

==========================

اجلد ابممشاي ناحل تراني

خوفي من الشمات مو من زماني

==========================

==========================

أتجدب علي واتقول , اسمع كلامك

وانا ابطيب القلب امشي ابمرامك

==========================

عفيه كَلب مَيلين من يسمع إبجاي

لو من صخر هم جان لان وغده ماي

==========================

مر والمراره البيك محد حواها

أو روحي اشتهت ملقاك عفيه اشقواها

الرد

روحي اشتهت ملقاك رغم المراره

أو بجفوفك الدلال شيطفي ناره

==========================

متعني للعباس أشكي الهظايم

الواشي قبلي بيوم بالحظره نايم

==========================

متعني للعباس أبجي إبحظرته

والينكسر بهواه شنهو جبرته

==========================

قلنا دلال إيجوز وتحملينا

أو ماندري بيه مغرور يلعب علينا

الرد

ألعب عليك إشلون وانت أعز مني

أو صدقني مو مغرور يالتتهمني

==========================

بطلت ممشى الحيل قمت أمشي تاته

أومثل اليقودن بيه أمه أو خواته

==========================

لو ممشى عشر اسنين أمشيها واكثر

ماأتعب وما جوز من حب الأسمر

==========================

حسبالي خوش وليد وسلمتك الروح

طلعت عقرب تلدغني وتريد اتروح

==========================

أبيات من الدارمي العراقي

دارمي معاصر لعواد العابدي

خاف أحجي ويكَولون سب الحكومه

كفاره يطّي النوب يرهن إهدومه

سولف يبعد إجلاي ويحلها حلال

إضبط إعصابك زين كون أنت رجال

ذب شصّك وبعدين تصفي القضيه

لو سجن سبع إسنين لو تطّي ديّه

مو شص وحكَ عيناك سلّيه ذبيت

خلي اليصير يصير خلي أهجم البيت

مرت علينه إسنين بس نسمع أخبار

بلكي إنقلاب إيصير والطاغي ينهار

ما قصّر الله إبهاي ودّه البطل بوش

داس إبطن صدام وتفلش الحوش

خابرت أمي إبساع يا يمه وينج

باجر نرد للبيت خل تكّر عينج

هلهلت يم الباب وإلتمت الناس

مبروك ألف عالخير راح إبن المداس

من غبشه كَبل الناس راحت على السوكَ

جابت حضن صمون عود إنّه ريّوكَ

شعلت بخور النوب وتبخر الدار

عام ونص إمتانين والقوري بالنار

أيست والأيام طالن عليها

وردت مثل ما جان تصفج بأديها

فرحتنه بالتغيير طلعت حلم نوم

مثل السراب وراح ما يبكَه للدوم

كَلنه الفرج والخير والحظ إجانه

مثل الي راد إكَرون كَصوا له إذانه

نفس الصفر والطاس ما بيّن الزين

بس رحمه مو ممنوع نبجي إعلى الحسين

كَالوا بعد سنتين ونوزع إبيوت

تاليها حتى المات ما عنده تابوت

كيّفنه كَلنه نصير مثل الإمارات

ماي وضوه وتبليط مو بس قرارات

حجّتهم إستقرار مامش بالبلاد

تانونه عشر إسنين ونضوي بغداد

ننتظر عشر إسنين نحمي إعلى جوله

نتعارك إعلى إبريج ما عدنه لوله

جا ولكم شتردون غير المسيرات

يتنفس الجوعان حي بعده ما مات

رحمه العلم سواه مجلسنه لونين

إقماشه من باريس وفلوسه بالدين

إمبارك وعالخير هاي العداله

صبح ومسه إيغنون عالبرتقاله

إلنوبه خاف التين من يسمع إيغار

وبساحة الفردوس يحتج على الصار

خل يحتج الرمان خل يحتج التين

مليوصه هيه وشاخ بالديره الكَطين

نومتنه هاي إهنا للجمري يهواي

لمن يرد إردود ويغرب الماي

من طرف مندائي الأربعاء مارس 24, 2010 1:50 pm

أكثر انسان صبر في العالم... هو الذي ينتظر اليسا تطلع على قناة إقرأ

دارميات تحشيشيه .... بيدك تفك الباب ..بيدك تسده...بيدك تسد الباب بيدك تفكه... *********** ازرع سمج بالماي خضّر بتيته ... خلف الله عالتمساح مالك علاقه ************ هم شفت هم سمعيت هم سولفولك .. لا شفت لا سمعيت لا سولفولي *********** هم شفت هم سمعيت بالتاته تبريد .. ويم نقطة التفتيش امريكي واكف
مفخخ صرت بهواك وصرت انتحاري وتفجيري بالريموت وبيدك قراري عبوات اشد بالروح واتعنه بيتك ........ وانفجر يم الباب لو ما لگيتك

حكمة اليوم : الباب التجيك منة ريح ...النجار ممسويهة زين

واحد يركض .. سألوه الناس ليش تركض أكو شي؟ كلهم لا.. بس بلكي صار شي

دليمي شاف كاظم الساهر بالمستشفى كله اريد آخذ صوره وياك كله كاظم ماكو كاميرات بالمستسفى كلها لدليمي بروح ابوك حتى لو اشعه

مرة كردي راح يشتري راشي ما عرف اسمه كال للبكال عندك لبن عسكري

بدوي قال لربعه علموني اغازل.قالو له:البنات لازم تاخذهم بالسياسه.قام ولحق وحده وقالها:اقول ياحلوه شخبار كوفي عنان

الاوضاع في العراق: ظلمة والحَكم سوداني

ناصرية يغني كوم اوكف وانت بتكلمني وكال اهديها لجميع المشلولين

بعد جبتلكم نكت لخة ههههههههههه مجموعة نكت

كردي بالامن لزم ارهابي.... واكع بيه دك بالصونــدة ويكله: ولك اعترف... جم مرة مفجر نفسك؟؟؟؟

واحد سال حشاش وين اقرب طريق للمستشفى .. جاوب الحشاش : غمض عينك واعبر الشارع

ولد سأل امه كلها ابويه ليش اكرع؟؟احتارت الام و كلتله هاي علامات الذكاء!كللها من هاي انتي شعرج طوييييييييل

مصلاوي شاف صاروخ بالجو كال هذا اشكد يسوى كالوله ملايين كال يارب يوكع ابيتنا .

اخر نكته وصلتني على الجات :
واحد خبيث خالته جابت ولد( بدون اذان) أمه كالتله: روح سلم على خالتك وباركلها على الولد بس دير بالك تجيب طاري انه ابنها( بدون اذان) لاتجرح مشاعرها وتكلب عليها المواجع فراح الخبيث وبارك لخالته وكال : بس لازم تكثروله من عصير الجزر حتى لايضعف عنده البصر. خالته كالت: حتى لو ضعف البسه مناظر. كال: موهي هنا المشكله وين يعلكهه

واحد محشش منع زوجته من زيارة اهلها يخاف علة نفسة من انفلونزا الطيور,كلتلة زوجتة: بس اهلي ما عندهم لا بط ولا دجاج ولا طيور, جاوبهة: بس امج بومة.

حشاش عطس ... صاحبه گح.. گلله ليش تغير الموضوع؟

حشاش گال لاخو: خلي نصير فنانين، انت فنان تشكيلي و آني فنان أشكيلك

طرق النساء في تنويم اطفالهن المصريه نام يا حبيبي نام السوريه نام يبعتلك حمى اللبنانيه نام تقبرني الاوربيه سويت دريم بيبي العراقيه عووووو جاى حرامي ياخذك انطمر الله يلعن ابوك وياك.

رجل بنه بيت مدوّر وقال لزوجتة:هم گولي بعد حابسني بين أربع حيطان؟

دليمي دا يعد بالانكليزي ... وان - توو - ثري - فور - فايف -استغفر الله – سكس

مرة العراق ومصر واليابان قرروا عمل فلم تايتنك مصر كالت احنا نحضر الممثلين ...اليابان كالت احنا نصنع السفينة ....العراق كال احنا نقطع الكهرباء

واحد من المنصور دزة ابوه يشتري طلي ... راح جاب طلي كلش ضعيف ... ابوه كله ليش جبته هيجي ضعيف؟؟؟؟ كله بابا معليك بالجسم شوف العيون.

اغنيه عراقيه جديدة: طالعه من بيت ابوها رايحه لبيت الجيران طبكو عليها السلابه باكو حتى النعلان.

فيترچي كاتب قطعه (تفصيخ سيارات)، بالليل إجه واحد ناصريه بدل الصاد خاء وانهزم.

السيستاني تعوذ من ابليس طلع الشيطان و ضربة راجدي و گال : ما بقى غير هالاشكال.

دليمي گل لصاحبه: سمعت بهذا اللي وگع من عمارة عاليه و3 أيام يالله وصل للگاع؟ گلله: ومات؟؟ گلله: شوف هذا الغبي يگللي مات..أگلله3 أيام لا أكل ولا شرب عجل شلون مايموت؟

قال رئيس جمهورية العراق مام جلال لمستشاره : الأمريكان صعدوا القمر لازم احنا نشوّفهم بأننا أعرق الحضارات ، فمن باجر جهزوا حالكم للصعود على الشمس! فحاول المستشار اقناعه بأن هذا مستحيل لأن الشمس غير القمر : مام جلال مو راح نحترق اذا اتقربنا من الشمس. فرد عليه السيد الريس : لا تخاف قابل احنا غشمه ، راح نصعد بالليل

واحد ايكول الابو بابا اني حلمت انه بسمار دخل ابرجلي كاله ابو تستاهل علمود متنام حافي

اكو وحدة سلمت على واحد شايب كالتلة شلونك حجي كله اني مرايح عالحج اني رايح عالعمرة كولي شلونك عمري.

ابليس هرب من العراق سئلو ليش : كال علمتهم عالغش والحواسم واشترو بيوت تالي يكتبون عليها هذا من فضل ربي.

خبر عاجل .. الرئيس الامريكي جورج بوش يطالب بجدول زمني لانسحاب الشعب العراقي من العراق.

كردي كلوله باجر عيد الحب قال : اهووو هاي اشون ورطة! هاي اشون صلاتها.

قال لها : قد لا أكون غنياً .. ولا عندي سيارة ولا فيلا ولا مزرعة ولا شركه ولا فلوس مثل صديقي رعد ولكني أعشقك واحبك .. فضمته ودمعت عيناها وقالت : إن كنت تحبني حقاً فعرفني على رعد.

مصلاوي ويه صاحبته بالكازينو..أنگطع الكهرباء..گالتله: يلله إنتهز الفرصه....گام انهزم بلا ميدفع الحساب.

بوش تعجب على العراقيين شلون تنتقل الإخبار عدهم بأسرع من البرق فسال احد الجنود الأمريكيين فقال له أن العراقيين عندهم شفرة أل - شكو ماكو عن طريقها يقدرون يتناقلون الأخبار بسرعة عجيبة فقرر بوش أن يزور العراق ويتنكر ويلبس دشداشة وعكال وعباية وراح يم محطة توزيع الغاز وسال احد العراقيين وقال له شكو ماكو؟ رد العراقي وقال والله مادري بس يكولون بوش بالعراق.

انشاءالله ندعو ونرجو من الله عز وجل ان لا يكون معادا او مكررا لاني سوف اقتل روحي
هههههههههه

من طرف مندائي الأربعاء مارس 24, 2010 1:53 pm

كون القلب بيه باب يفتح واراويك
جا كلت عفية عليك دم ولحم بيك

* * * *

اتمنى روحي تصير خبزة بفرنكم
ولمن تجيسة النار يصرخ احبكم

* * * *

يا روح وني بحزن راح التودينه
ويا عين صبي دمع ماظن تشوفينه

من طرف مندائي الأربعاء مارس 24, 2010 1:55 pm

روحي وعيوني وياك والكلب يمك ..... يمشن سوى بشريان دمي وي دمك

گالولي أنسى هواك وأنسى المحبه ... گلت أشلون أنساه هالعايش بگلبه

اضحك يابعد الناس اضحك ياحبي ... صوتك شجن واحساس مالك الگلبي

رحت انا للدكتور شاورني بسكوت ... لو ولفك يحاجيك لو باجر تموت

حبيتك وياريت ما جنت احبك ... عذبني كلش حيل صدكني دربك

انتي الذهب والماس والجوهر انتي ... والدنيا تصبح عيد كلما ضحكتي

بعدني اشتاك الك يالرايد اتروح ... دظل شوية لاتضيج خلكنا
بسرعة الوكت صاير يفوت وياك... هوا انت واذا رحت اختنكنا
واذا طلعت شمس فوت انت للبيت...لان اذا شمسين معناها احتركنا

أحبنّك .. جذب من كال أعوفنّك..
ولو حطوا بدربي النار بدمع عيني لطفيها وأدك بابك وأشوفنّك
وشتريد اتصير طير تطير .. هم تتعب وأصيدّنك ,,,, ورد جوري هم تفتح وأشمنّك..
تريد اتموت أموت وياك .. وكبل ما اتموت أصيحن حيل أحبنّك

من طرف مندائي الأربعاء مارس 24, 2010 1:56 pm

مسجات و دارمي عراقي اكيد يعجبكم

لكعد توالي الليل واذكر وليفي
وبحجة الحلمان لبجي اعله كيفي

اريد ابجي يخوتي وشاهدي وياي
على الوادي بجيت وحرميت الماي

ليش النحب ملكاه يكثر دلاله
ويبخل علينه شبيه حتى برساله

ليش انته دوم وياي ما عندك انصاف
كلبك صخر جلمود من الله متخاف

كل يوم اكول اليوم باجر يمرون
ومن كثر دمعي السال ماضلت عيون

الغربه كلها اهموم ياسلوة العين
كلبي الوصل يرويه ماي الفراتين

يمتى الغيوم تزول عن سما بلادي
وآخذ نفس وارتاح وانزع سوادي

من طرف مندائي الأربعاء مارس 24, 2010 1:58 pm

أسمر وأخاف اعليك من روحي مرات وأتمنه وصل الروح من يمي اتبات

عكبك شلي ابدنياي وبعمري شلي
طراني طر فركاك شلاني كلي

كل مره اكول انساك بس مو بديه

ارجع واضل اهواك غصبن عليه

گتلك واگلك دوم وتگلي ادري -- وارجع واگول ردود فدوه الك عمري

بطرانه هاي الناس يردوني اعوفك -- جوه الجفن مرسوم ارمش واشوفك

موش آنه طايح بوس حسبالي خده ..... حظ الفكر فزيت طلعت مخده

أصفن وجر حسرات وأحسب ليالي لوتدري بيه اشصار تبجي اعله حالي

صافن وفكر بيك والباري شاهد,,,,,, نايم يابعد الروح لو مثلي كاعد

صح انه حايط طين وساسي بوسط ماي
انثلم بس ما اطيح ومدوخ اعداي

حرمة وغريبة الدار ومشككة هدوم
هيج انا حالي يصير لو باعدت يوم

انهجم بيت الكال بالعشق راحة كل عاشق اتمر بية ناصب مناحة

الاهداء لكل عراقي شهم وغيور(نشمي وتضل للدوم كلك شهامه000والغيره من اتضيع انتالعلامه)

خواني موش خوان خواني بدعه ...
واحد يجيب البين وواحد يزرعه

من طرف مندائي الأربعاء مارس 24, 2010 1:59 pm

أسمر وأخاف اعليك من روحي مرات وأتمنه وصل الروح من يمي اتبات

عكبك شلي ابدنياي وبعمري شلي
طراني طر فركاك شلاني كلي

كل مره اكول انساك بس مو بديه

ارجع واضل اهواك غصبن عليه

گتلك واگلك دوم وتگلي ادري -- وارجع واگول ردود فدوه الك عمري

بطرانه هاي الناس يردوني اعوفك -- جوه الجفن مرسوم ارمش واشوفك

موش آنه طايح بوس حسبالي خده ..... حظ الفكر فزيت طلعت مخده

أصفن وجر حسرات وأحسب ليالي لوتدري بيه اشصار تبجي اعله حالي

صافن وفكر بيك والباري شاهد,,,,,, نايم يابعد الروح لو مثلي كاعد

صح انه حايط طين وساسي بوسط ماي
انثلم بس ما اطيح ومدوخ اعداي

حرمة وغريبة الدار ومشككة هدوم
هيج انا حالي يصير لو باعدت يوم

انهجم بيت الكال بالعشق راحة كل عاشق اتمر بية ناصب مناحة

الاهداء لكل عراقي شهم وغيور(نشمي وتضل للدوم كلك شهامه000والغيره من اتضيع انتالعلامه)

خواني موش خوان خواني بدعه ...
واحد يجيب البين وواحد يزرعه