// .. طَلبـآتْ .. تَصميم ألتَوآقيعْ وألصُور ألرَمزية ...

من طرف **ريماس** الأربعاء مايو 29, 2013 4:37 pm

السلامنْ عَليكم

شلونكم اعضائنا الـأعزآء

انشاءالله الكل بخير وبصحة وبعآفية :)

أليوم والحمد لله جددنة موضو طلبات التواقيع .. لأن هذاك صار بي هواية طلبات
وان شاء الله هذا همين :)

اي عضو يحب يطلب توقيع وصورة رمزية
يجي هنا ويحط طلبة

بس اكو شروط لازم الكل يلتزم بيهة حتى نبتعد عن المشاكل والخربطة ودوخت الراس

فـأخليكم وية قوانين الموضوع :)

.....

1 - الي يطلب توقيع لازم يكون عنده أقل شي 300 مشاركه .. ألي يرد هنا وما عنده 300 مشاركة ينحذف الرد

2- الموضوع هذا موضوع طلبات بحت ، يعني ميجوز تحشيش وسوالف وترحيب هنا يعني يطب العضو يطلب والمصمم يخليه الة والعضو يخلي شكر وبس

3- سالفة ( المصمم الفلاني ) اريد منك هل التوقيع ماااااكو ، يعني انت تخلي طلبك واي احد من مصممينة الابطال يكدرون يصممون الطلب

4 - من االاخوة المصممين حتى لتصير خربطة ياريت لو تكتبون للطلب الحابين تسااعدونة بي كلمة ( جااري ) يعني ، تسوي اقتبااس للطب وتكتب جااري حتى لحد يتنفذلة الطلب مرتين ويصير مخاجل بالسالفة

5 - من ينزل الطلب مالتك سواء عجبك او لا تكتب شكر واذا معجبك ميصير هنا تحجي اذا اتريد تطلب من غير احد بس برسالة برايفت هاي تبقى بينك وبينة ، ماعدا كادر التصميم ( ميصير تطلب منهم ب برايفت مسج نظرا لكثرة ارتباطاتهم وشغلهم :D )

6 - من تطلب التوقيع حينكتب علي اسمك الي بالمنتدى يعني ممنوع الطلبات الخاصة مثل طلبات صور الفيس بوك والمواقع الثانية

7 - يحقلك طلب واحد كل شهر

8 - المصمم اذا جان مبتدئ أو محترف ممنوع يطلب توقيع

9 - ممنوع التواقيع الحربيه والخلاعية + اي رابط مو شغال بسرعة حذف

10 - من تطلب تخلي صورة واضحة وماستر يعني مملعوب بيهة قبل بالفوتوشوب ومخليلهة الف افكت وتريد نسويلك توقيع وتوضح شرايد كتابة بالضبط

11 - راح ينكتب اسم المصمم و اسم العضو و حقوق فنرتوب ع التصميم ...

راح ينحذف اي طلب مخالف لهل القوانين بدون سابق تحذير ( يعني ماكو بعد راجع القوانين ) كَبل دليت :D

هاي القوانين من اعداد المبدع جمال الورده .. مشرف قسام التصميم سابقاً

وهاي القوانين وضعت لراحتكم واسعادكم ولترتيب المنتدى بصورة عامة وقسم التصميم بصورة خاصة

القوانين قابلة للتعديل

اتمنى من الكل يراجع القوانين ويدلل والف هلا @};-

مع تحيات كادر اقسام التصميم