>>> قوانين قسم التصميم <<<< جديدة 2013 يرجى الاطلاع

من طرف **ريماس** الأربعاء مايو 29, 2013 4:39 pm

السلام عليكم
اعزائنة المصممين هذي قوانين القسم

يرجى الاطلاع عليهة حتة المواضيع تصير ارتب واحلة

1 - تكدر تنزل 6 مواضيع بلقسم كل يوم

2 - ممنوع التصاميم والصور المخلة بلآداب

3 - سرقة التصاميم ( ترة شي كلش محلو وبعيد عن الاخلاق العقوبة حتكون باند للي يبوك تصاميم وينسبهة الروحة ) ل

4 - وضع الصور المستخدمة قبل التصميم حتة التقييم والانتقاد يكون مبني علة اساس

5 - ميحقلك تقيم اي موضوع بلقسم ماعدا كادر التصميم الهم الحق بلتقييم

طبعاً ذني النقاط الاساسية واكو نقاط ممجبر انتة بيهة يا مصمم بس من الاحسن والارتب تسويهة

1 - من تنزل موضوع حاول تشرح بلبداية مثلاً الفكرة شلون اجتك يعني مو تشرح الفكرة
بس احجي شوية عن التصميم مو تحط لنكين وتكتب الصور المستخدمة والتصميم حتة متسوي واهس احد يرد عليك

2 - كتابة الادوات او التاثيرات المستخدمة والتصنيف مال تصميم مثلاً

اني نزلت تصميم بن تول وبي تاثيرات لخ اجي اكتب

tools used
- pen tool
- light effect
- burn&dodge
- smudg tool

ويستحسن تكون بلانكليزي حتة تكون هم ممارسة الك وبروفشنل اكثر

وطبعاً الصنف تبقة حسب اذا انتة تعرف بلتصميم تكدر تحط
Category
- logo type
or
- vector
or
- photomaniplulation (manip)

طبعاً حسب انتة تصميمك شنو نوعة

3 - من تنزل تصميم ترة محد يغار منك وحاقد عليك فحاول تتقبل النصيحة والانتقاد لان
اذا الكل كلك مبدع وفنان وبقة يجاملك مرح تستفاد شي وتصير احسن
المصمم الي ينزل تصميم هنا مو بس للعرض, حط ببالك كل مصمم الة وجهة نظرة الخاصة و كل شخص الة رأيه الخاص بي
بمجرد تنزيلك العمل هذا يعني انتة موافق على كل نقد ينزل سواء كان حاد, قوي, او ضد اي فكرة او تأثير انتة متستخدمة بالتصميم

4 من تنزل تصميم حاول تفتر بلقسم شوف تصاميم الاعضاء الباقين رد علة المواضيع بلكي تتعلم شي من احد
او احد يتعلم منك فد شي

5 - من ترد علة موضوع حاول ردك يكون مشجع للمصمم والنصيحة والانتقاد الهة اساليب حلوة

وشكراً لكم

كادر اقسام التصميم